செல்வந்தர் ஆவதற்கான அறிவியல் | The Science of Getting Rich

 அறிவு + இயல் = அறிவியல்

இயல் உலகு மற்றும் இயற்கை விதிகள் குறித்து ஆய்வு மேற்கொள்வதன் மூலம் கிடைக்கப்பெறும் அறிவு.
(The study of and knowledge about the physical world and natural laws.)

உங்கள் பள்ளிக்கூட வகுப்பில் கணிதப் பாடம் படித்தது நினைவிருக்கிறதா ? ஒரு குறிப்பிட்ட கணித சூத்திரத்தின்(formula) படி நீங்கள் கணக்கிடும்போது உங்களிடம் கேட்கப்பட்ட கணிதவியல் தொடர்பான கேள்விக்கான பதிலை உங்களால் எளிதில் பெற முடிந்தது அல்லவா ?
அதேபோல்தான் செல்வந்தராவதற்கும் ஒரு சூத்திரம் இருக்கிறது. இந்த அறிவுரைகளை நீங்கள் அறிவாக பெற்றுக் கொண்டும் செல்வந்தர் ஆவதற்கான செயல்பாட்டின் விதிகளைப் புரிந்து கொண்டும் செயல்பட்டால் நிச்சயம் நீங்களும் செல்வந்தர் ஆகலாம்.

என்ன செல்வந்தர் ஆவதற்கு ஒரு அறிவியல் இருக்கிறதா என்று யோசிக்கிறீர்களா ? ஆமாம் இருக்கிறது.

எப்படி ஒரு மனிதன் செல்வந்தர் ஆகிறான் ? அவன் மற்றவர்களைவிட வேறு விதமான செயல்களைச் செய்கிறான் அதனால் தான் அவனால் செல்வந்தனாக முடிகிறது.

பால்கோவா செய்ய வேண்டும் என்று ஆசைப்பட்ட ஒரு இளம்பெண் அதை செய்ய முயல்கிறாள் சரியாக வரவில்லை ஒரு நாள் தன் தோழியின் வீட்டிற்கு சென்றிருந்த போது அவள் சுவையான பால்கோவாவைச் செய்திருந்தாள் இப்போது அப்பெண் தன் தோழியிடம் என்ன கேள்வி கேட்டிருப்பாள் ?
"இதை எப்படிச் செய்தாய் ?" என்றுதானே ?

எல்லோரும் செயல்பட்டுக் கொண்டுதான் இருக்கிறோம் ஆனால் எல்லோரும் ஒரே மாதிரி செயல்களைச் செய்வதில்லை. செல்வந்தர்கள் வேறு விதமான செயல்களைச் செய்கிறார்கள் அதுதான் அதீத செல்வத்தை குவிப்பதற்கான முக்கிய காரணம். இச்செயல்களை தெரிந்து செய்தாலும் தெரியாமல் செய்தாலும் செயல்களுக்கு ஏற்ற விளைவுகள் விளைந்து தான் ஆகும், இப்புத்தகத்தின் மூலம் அச்செயல்களை எப்படிச் செய்யலாம் என்கிற அறிவை நீங்கள் பெற்றுக் கொள்வீர்கள்.

சரி செல்வந்தர்கள் செய்யும் அந்த விந்தையான செயல்தான் என்ன ? ஒருவேளை செல்வச்செழிப்பான நகரத்துக்கு குடிபெயர்வதாக இருக்கலாமோ ?

இல்லை அப்படி இருந்தால் ஒரு குறிப்பிட்ட நகரத்தில் வசிக்கும் அனைவருமே செல்வந்தராகத்தான் இருக்க முடியும். ஆனால் இங்கே நிலைமை அப்படியல்ல செல்வந்தர்கள் வாழும் அதே நகரத்தில் ஏழைகளும் வாழ்ந்து கொண்டிருக்கிறார்கள். ஒருபுறம் மாட மாளிகைகள் நிறைந்திருக்க இன்னொரு புறம் குடிசைகளும் இருக்கத்தானே செய்கிறது.

ஒருவேளை ஒரு குறிப்பிட்ட நூதனமான தொழிலில் ஈடுபடுவதால் செல்வந்தர்கள் அதிகம் செல்வத்தைச் சேர்க்கிறார்களோ ?

இல்லை ஒரே தொழிலில் ஈடுபடும் இருவரில் ஒருவர் வெற்றி பெறுகிறார் மற்றவர் வெற்றி பெற முடிவதில்லை.

இதுமாதிரப் பல காரணங்களை எடுத்து ஆராயலாம் ஆனால் உண்மையில் இவை அனைத்தையும் தாண்டிச் செல்வந்தர்கள் செய்யும் அந்த வேறுபட்ட செயல்பாடுகளே அவர்களைச் செல்வந்தர்களாக ஆக்குகிறது, இக்கருத்தை நீங்கள் மனதில் பதிய வைத்துக் கொள்ள வேண்டும் அது இதுதான் நீங்களும் செல்வந்தராக வேண்டுமென்றால் செல்வந்தர்களைப்போல நீங்கள் செய்யும் செயல்கள் வேறு பட்டதாக இருக்க வேண்டும்.

நீங்கள் ஏன் செல்வந்தர் ஆக வேண்டும்? Why You Should become Rich? | Tamil Motivation

 

நீங்கள் ஏன் செல்வந்தராக வேண்டும்?

"எல்லா வகையிலும் முன்னேற்றம் அடைந்து கொண்டே செல்ல வேண்டும் என்பதுதான் வாழ்க்கையின் முக்கிய நோக்கம்"

செல்வந்தனாக இருப்பது ஒரு மனிதனுக்குச் சுதந்திரத்தை கொடுக்கும். ஒரு மனிதன் தான் முன்னேற வேண்டும் என்று நினைக்கும் பொழுது அந்த முன்னேற்றத்திற்கு தேவையான அனைத்தையும் செய்யும் ஆற்றலைக் கொடுப்பது செல்வமே.

இவ்வுலகில் பிறந்த ஒவ்வொரு மனிதனுக்கும் ஓர் உரிமை இருக்கிறது, அது அவனுடைய உடல் மனம் மற்றும் ஆன்ம வளர்ச்சிகளை எந்த அளவுக்கு எடுத்துச் செல்லவேண்டும் என்று நினைக்கிறானோ அந்த அளவுக்கு எடுத்துச் செல்லும் உரிமை அவனுக்கு இருக்கிறது.
இதுவே உண்மையான செல்வமாகும்.

இன்னொரு விதத்தில் சொல்ல வேண்டுமென்றால் ஒவ்வொரு மனிதனுக்கும் செல்வந்தராகும் உரிமை உள்ளது, ஆம் செல்வந்தராவது உங்கள் பிறப்புரிமை .

உலகம் மிகப் பெரிய மாற்றத்திற்குள்ளாகி இருக்கிறது மிகப்பெரிய வளர்ச்சிக்குள்ளாகியிருக்கிறது. இக்காலகட்டத்தில் ஒரு மனிதன் முழுமை பெறாமல் இருப்பது போன்ற ஓர் உணர்வுடன் சுற்றிக்கொண்டிருப்பதற்கான காரணம் செல்வம் இல்லாமையே.

நீங்கள் பிறக்கும் போதே ஆக்கப்பூர்வமான ஒரு விதை உங்களுக்குள் வைக்கப்படுகிறது.

இந்த விதையானது விருட்சமாக வளர வகை தேடிக்கொண்டிருக்கும்.
நீங்கள் எப்பொழுதாவது இதை உணர்ந்திருக்கிறீர்களா ?
உங்கள் மனம் "நான் ஏதாவது ஒன்றைச் செய்ய வேண்டும், நான் ஏதாவது ஒன்றாக மாற வேண்டும்" என்று உங்களுக்குள் ஒரு எண்ணத்தையோ யோசனையோ கொடுத்திருக்கும், இதை நீங்கள் உணர்ந்து இருந்தால் இதுதான் அந்த விதையானது தன்னை வெளிக்கொணரச் செய்யும் முயற்சியாகும்.

உங்களால் ஏன் அந்த யோசனைக்குச் செயல் வடிவம் கொடுக்க முடியவில்லை ? நீங்கள் யோசித்ததுண்டா ? யோசித்திருந்தால் உங்களுக்கு பதில் கிடைத்திருக்கும். உங்களிடம் உங்கள் யோசனையைச் செயலாக்கம் கொடுப்பதற்கு பணமோ நேரமோ காலமோ சூழலோ இல்லை என்று உங்களுக்குப் பதில் கிடைத்திருக்கும்.
நீங்கள் நினைத்ததைச் செய்ய உதவும் ஓர் அடிப்படைக் கருவிதான் செல்வம் நீங்கள் செல்வந்தராக இருந்திருந்தால் உங்கள் எண்ணங்கள் என்றோ செயல் வடிவம் எடுத்திருக்கும் அல்லவா ? ஆகவேதான் நீங்கள் செல்வந்தராக வேண்டும் என்று நான் சொல்கிறேன்.

நீங்கள் வாழ்வதற்கான மூன்று முக்கிய ஆதார நோக்கங்கள்
1 நீங்கள் உங்கள் உடலுக்காக வாழ்கிறீர்கள்
2 உங்கள் மனதுக்காக வாழ்கிறீர்கள்
3 ஆன்மீக நோக்கத்திற்காக வாழ்கிறீர்கள்

இதில் ஏதோ ஒன்றுக்காக மட்டும் வாழ்வது முழுமையான வாழ்க்கை அல்ல, நீங்கள் ஒரு முழுநேர ஆன்மீகத் தேடலில் ஈடுபடுகிறீர்கள் என்று வைத்துக்கொள்வோம் உங்களுடைய உடலையும் மனதையும் சரியாகப் பயன்படுத்தாமல் நீங்கள் முழுநேர ஆன்மீகவாதியாக இருக்க முடியாது. அதே போல உங்கள் மனம் விரும்பும் ஏதோ ஒரு இலக்கை அடைய வேண்டும் என்ற நோக்கத்தில் மற்ற இரண்டையும் ஒதுக்கிவிட்டு மனம் போகும் போக்கில் மட்டும் வாழ்ந்து விடவும் முடியாது. எப்பொழுது ஒரு இலக்கில் இந்த மூன்றையும் சிறப்பாகப் பயன்படுத்துகிறீர்களோ அப்பொழுது உங்கள் வாழ்க்கையும் சிறப்பானதாக இருக்கும்.

இவை அனைத்தையும் சிறப்பாகச் செய்கிறீர்கள் என்றால் நீங்கள் தான் செல்வந்தர்.

நீங்கள்தான் செல்வச்செழிப்பு மிக்க நபர்.

உங்களைச் செல்வந்தர் ஆக்குவதற்கான அறிவுரைகளுக்கு நீங்கள் ஏன் அதிக கவனத்தை கொடுக்க வேண்டுமென்றால் இது ஏதோ பணம் சம்பாதிக்க கூறும் அறிவுரைகள் மட்டுமல்ல உங்கள் வாழ்க்கையை முழுமை அடையச் செய்வதற்கான அறிவுரைகளை இந்தப் புத்தகத்தின் வழியே நாம் பார்க்க போகிறோம்.

ஆகவே இந்த அறிவுறைகளை உணர்ந்து கொள்வதற்கு எந்த அளவுக்கு கவனத்தைக் கொடுக்க முடியுமோ அவை அனைத்தையும் கொடுக்குமாறு கேட்டுக் கொள்கிறேன்.

தொடரும்...

வெற்றிக்கான இரகசிய சாவி உனக்குள்ளே | Tamil Motivation | EPIC LIFE

பகுதி 1

வெற்றி என்றால் என்ன?
" நீங்கள் எதை அடைய வேண்டும் என்று முடிவு செய்கிறீர்களோ அதை அடைந்தால் அதற்குப் பெயர் வெற்றி."

முயற்சி எனும் காரணத்தினால் விளைந்த விளைவே வெற்றி.

பொதுவாக வெற்றி என்பது ஒன்றே ஒன்றுதான் நீங்கள் அதைப் பலவேராக பிரித்துப் பார்க்கலாம்.

பொருளாதார வெற்றி, ஆரோக்கியத்தில் வெற்றி, சமூக அந்தஸ்தில் வெற்றி என்று வெற்றியை நீங்கள் பலவிதமாக பார்க்கலாம், ஆனால் பொதுவில் வெற்றி என்பது ஒன்றே ஒன்றுதான்.

வெற்றிக்கான காரணங்களே வெற்றியைத் தருகிறது அதன்படி எந்த ஒரு செயலும் நோக்கமும் எண்ணமும் வெற்றி மனப்பான்மை உடையதாக இருந்தால் அது வெற்றியை தரும்.

எல்லா நிகழ்வுகளுக்கும் ஒரு காரணம் உண்டு அதேபோல வெற்றி எனும் நிகழ்வுக்கும் ஒரு காரணம் உண்டு.

ஒரு தனிமனிதன் வெற்றியடைவதற்கான காரணம் அவனுக்குள்ளே தான் இருக்கிறது. அதாவது ஒரு தனி மனிதன்தான் அவனுடைய வெற்றிக்கு முழுமுதற் காரணம்.

வெற்றிக்கான காரணம் வெளியே இருக்க முடியாது. ஒரு குறிப்பிட்ட நகரமோ இடமோ அல்லது வேறு ஒரு நபரோ வெற்றிக்கு காரணமாய் இருக்க முடியாது அப்படி இருந்தால் அந்த குறிப்பிட்ட நகரத்தில் வாழும் அனைவரும் வெற்றியாளர்களாகத்தான் இருக்க முடியும் ஆனால் அப்படி இருப்பதில்லை, இதிலிருந்து ஒன்று புரிகிறது, வெற்றி என்பது ஒரு தனி மனிதன் சம்பந்தப்பட்ட விஷயம் மட்டுமே.

ஒரு மரம் விதையினால்  முளைப்பிக்கப்படுகிறது. அதுபோல எந்த ஒரு வெற்றியும் ஒரு காரணத்தினால் உருவாக்கப்படுகிறது அந்த விசேஷ காரணமே வெற்றிக்கான விதை.

வெற்றிக்கான அந்தக் காரணம்தான் என்ன?
உங்களுடைய வெற்றிக்கு நீங்கள் மட்டுமே காரணம்.

உங்களுக்குள் இருக்கும் அந்த வெற்றிக்கான காரணத்தை கண்டறிந்து, அதன் வலிமையை அதிகப்படுத்தி உங்களுடைய செயல்களில் வெற்றிக்கான அந்தக் காரணம் இருக்கும்படி பார்த்துக் கொண்டால் நிச்சயம் உங்களுக்கு வெற்றிதான்.

தோல்விக்கான காரணம் என்ன?
ஒரு மனிதனுடைய முயற்சியில் வெற்றி எனும் மரத்தின் விதை இல்லாமல் இருப்பதுதான் தோல்விக்கான காரணம்.

வெற்றிக்கான அந்த விசேஷ காரணம் உங்களுக்குள் இருக்கும் ஒரு ஆற்றல் தான் அந்த ஆற்றல் தான் உங்கள் மனதின் சக்தி.
இந்த ஆற்றலை கொண்டு எவ்வித சக்தியையும் உங்களால் உருவாக்கிடவும் முடியும் அதைச் சிறந்த முறையில் பயன்படுத்திடவும் முடியும்.

நீங்கள் வெற்றியடைய உங்களுக்குள் இருக்கும் அந்த விசேஷ ஆற்றலைக் குறித்து அறிந்து கொள்வதும் அதை எப்படிப் பயன்படுத்துவது என்பதை தெரிந்துகொள்ளவும் வேண்டும், அவ்வளவுதான்.

திறமை எனும் வெற்றியின் திறவுகோல்

உங்களுடைய திறமைகளை உங்களுடைய செயல்கள் அனைத்திலும் நீங்கள் செய்யும் வேலைகள் அனைத்திலும் பயன்படுத்தவேண்டும்.
திறமைகள் இல்லாத வெற்றியாளர்களை உங்களால் பார்த்திருக்க முடியாது.

இசை ஞானத்தை பெற்றிராத ஒரு கலைஞனை உங்களால் பார்த்திருக்க முடியாது.
ஆன்மீக ஞானமும் பேச்சாற்றலும் இல்லாத ஒரு ஆன்மீகப் பேச்சாளரை உங்களால் பார்த்திருக்க முடியாது.

ஒரு வெற்றியாளனை உருவாக்குவது திறமை மட்டுமல்ல திறமையை போன்று இன்னும் பல விஷயங்கள் இருக்கின்றன இவை அனைத்தும் ஒரு மனிதனுக்கு உள்ளேயே இருக்கிறது.

தொடரும் ...